كشفت الناقدة ماجدة موريس، عن رأيها في تقديم الفنانة روبي لفوازير رمضان.
وقالت موريس، في تصريح لـ "صدى البلد": "روبي فنانة موهوبة جدًا وممثلة شاطرة وأي حاجة بتقدمها بتسيب فيها بصمة مميزة من أول أغنية ليه بيداري كدة، روحها حلوة والناس بتحبها .. فـ ليه لا ؟ .. انا عادة مش بحب أقول رأيي إلا أما بشوف الحاجة بس روبي معروف انها موهوبة جدًا".
وتابعت قائلة: "زمان أما نيللي تعبت وقالوا سمير غانم هيقدم فوازير ناس كتير اعترضت، لكنه كسر الدنيا، ونفس الكلام حصل مع شريهان لأنها كانت ممثلة شابة وجديدة ولكنها قدرت تبقى رقم 1 في الفوازير".
بينما اختتمت حديثها قائلة: "نجاح الفوازير هيعتمد على الإنتاج وتوظيفه والمخرج والورق .. كل دي عوامل مهمة تحدد نجاح العمل اللي هيتقدم او فشله .. يا حاجة تعيش ونفتكرها يا حاجة تعدي كأنها محصلتش".
0 تعليقات